Түркмөнстан президенти Гурбангулы Бердымухамедов Сауд Арабияга расмий иш сапар менен барып, 3-май күнү Мекке шаарындагы ыйык жерлерге зыярат кылды жана министрлердин коштоосунда Умра амалын аткарды. Бул тууралуу “Хроника Туркменистана” басылмасы кабарлады.
Умрадан соң Бердымухамедов Медина шаарындагы ыйык саналган мечиттерге барган.
Түркмөнбашы 1-3-май күндөрү Сауд Арабияда расмий сапарда болгон.
Кыргызстан президенти Алмазбек Атамбаев да 2014-жылы аталган өлкөгө жасалган расмий иш сапары учурунда Умра амалдарын аткарып келген.
Умра - шарият тилинде кичи ажылык деп да аталат.
