Өзбекстандын Фергана өрөөнүндө жайгашкан облустары менен башка аймактарды байланыштырган Камчык ашуусундагы жолдо 4-май күнү көчкү жүрүп, беш адам набыт болду. Кырсыктан алты киши куткарылганын өлкөнүн Өзгөчө кырдаалдар министрлиги билдирди.
Окуя күндүз саат экилер чамасында жолдун Наманган облусундагы аймагында болгон. 13 миң метр кубдан ашыгыраак топурак эки автоунааны басып калган.
Маалыматтарга караганда, стратегиялык мааниге ээ бул ашуудан күн сайын 15 миңдей машине каттайт.
