Швециянын баш калаасы Стокгольмдо “Евровидение” ыр сынагынын 60-жылдыгына карата анын тарыхына арналган ири көргөзмө ачылды.
“АББА” тобунун музейинде ачылган көргөзмөдө ар кайсы жылдардагы жеңүүчүлөрдүн сахнага кийген костюмдары, бут кийимдери, музыкалык аспаптары коюлган. Бул жерден 2013-жылы жеңүүчү болгон австриялык Кончитта Вурсттун, 1988-жылкы баш байгенин ээси, дүйнөлүк ырчы Селин Диондун да көйнөктөрүн көрсө болот.
Көргөзмөнү конкурстун 1974-жылдагы жеңүүчүсү, швециялык “АББА” тобунун мүчөсү Бьорн Ульвеус ачты.
Быйыл Стокгольмдо өтүп жаткан сынактын жарым финалы 10-12-май күндөрү өтөт. Ал эми жеңүүчү 14-майда финалда белгилүү болот. 60-жолу өтүп жаткан музыкалык конкурска 42 өлкөнүн ырчылары катышат.
