Бүгүн Бишкекте кыргыз-иран өкмөт аралык комиссиясынын 11-жыйыны өтөт. Бул тууралуу аталган комиссиянын Кыргызстан тараптан төрагасы транспорт жана коммуникациялар министри Замирбек Айдаров “Азаттыкка” билдирди. Анын айтуусунда, комиссия жыйынында эки өлкө ортосундагы соода-экономикалык, маданий байланыштын маселелери талкууланууда. Жыйын соңунда документтерге кол коюлат.
Ирандык делегацияны Жолдор жана аймактык өнүктүрүү министри Аббас Ахунди жетектеп келди.
Кыргызстан менен Ирандын ортосундагы товар жүгүртүүнүн көлөмү 2015-жылы 100 миллион долларга жакын каражатты түздү.(BkA)
