Район башчысын шайлоого жергиликтүү кеңештин 153 депутатынын 112си катышып, жыйынтыгында 97 депутат Адыл Сапаровго добуш берди. Бул тууралуу өкмөттүн Нарын облусундагы өкүлчүлүгүнүн басма сөз катчысы Айнура Дүйшөк кызы билдирди.
Буга чейин аталган кызматка Адыл Сапаров, Ороз Жунушалиев жана Бакыт Жээналиевдин талапкерлиги сунушталган.
Ушул жылдын апрель айында Жумгал районунун акими Адылгазы Исагулов өз арызы менен кызматынан кеткен. (MiK)
