Линктер

ЧУКУЛ КАБАР!
27-Октябрь, 2021 шаршемби, Бишкек убактысы 19:35

CASA-1000 долбоору башталды


Жаңы долбоорду ишке киргизүү салтанаты. Тажикстан, Турсунзаде, 12.05.2016.

Бүгүн Тажикстанда аймактык энергетикалык CASA-1000 долбоору расмий ачылды. Салтанатка Тажикстан президенти Эмомали Рахмон, Кыргызстандын премьер-министри Сооронбай Жээнбеков, Ооганстандын башкы аткаруучусу Абдулла Абдулла жана Пакистан премьери Наваз Шариф катышты.

«CASA 1000» жогорудагы төрт өлкөнү бириктирип, жогорку чыңалуудагы электр өткөрүү линиялары аркылуу электр энергиясын берүүгө багытталган.

- Бул жогорку чыңалуудагы линия аркылуу Түштүк Азия өлкөлөрү жылыга Тажикстан менен Кыргызстандан 5 млрд кВт/саатка чейин экологиялык таза электр энергиясын ала алышат, - деди Рахмон.

Биринчи этапта Датка-Кожент жогорку чыңалуудагы электр линиясы курулуп, кийин Тажикстандан Ооганстанга, андан пакистандык Пешаварга чейин линия тартылары күтүлүүдө.

CASA-1000 жалпы узундугу 1222 км. Наркы 1,17 млрд долларга бааланган.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG