Линктер

бейшемби, 21-сентябрь, 2017 Бишкек убактысы 00:29

«Өнүгүү-Прогресс» фракциясы «Референдум жөнүндө» мыйзам долбоорун карады


Аталган мыйзамдын демилгечилери депутаттар Бакыт Төрөбаев, Тынчтык Шайназаров, Өмүрбек Текебаев, Алмамбет Шыкмаматов.

«Өнүгүү-Прогресс» фракциясынын лидери Бакыт Төрөбаевдин айтымында, азыркы мыйзам боюнча референдумду президент дайындайт, сунушталып жаткан долбоордо мыйзам аркылуу дайындалат. Бул мыйзамдын демилгечилери өкмөт, депутаттар жана 10 миң шайлоочу боло алат:

"Референдум болобу же болбойбу мыйзам даяр турушу зарыл. Башкы максат – нормаларды Конституцияга ылайык келтирүү. Жаңы мыйзамга референдумга биометрикалык каттоодон өткөндөр катышууга укуктуу деген өзгөртүүлөр кошулду", - деди Бакыт Төрөбаев.

Ал эми БШК мүчөсү Жеңишбек Акматов бул мыйзам тезирээк кабыл алынышы керектигин белгиледи. Жалпысынан фракция депутаттары мыйзам долбоорун колдоого алышты.

Кыргызстанда акыркы референдум 2010-жылы 26-июнда өткөрүлгөн. Анда эл Баш мыйзамдын редакциялануусуна жана Роза Отунбаеванын мамлекет башчылыгына келүүсүнө макулдугун берген.(ZKo)

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG