Израил-Палестина сүйлөшүүлөрүн жандандыруу боюнча саммит Парижде Израилдин каршылыгына карабастан өткөрүлөт. Бул тууралуу Франциянын тышкы иштер министри Жан-Марк Эро билдирди.
Израилдин премьер-министри Бинямин Нетаняху француздардын демилгесине каршылыгын билдирген. Париждин сунушуна ылайык, Египет, Сауд Арабия, Иордания баштаган 20дан ашык мамлекеттин өкүлдөрү болжол менен 30-майда Франциянын баш калаасына чогулушат. Бирок саммитке Израил менен Палестина өкүлдөрү катышпайт.
Ал эми Палестин автономиясынын лидери Махмуд Аббас Париждеги саммитти колдорун айткан.
Соңку ирет АКШнын ортомчулугу менен өткөн Израил-Палестина сүйлөшүүлөрү 2014-жылы эч натыйжа бербестен токтоп калган.