Линктер

ЧУКУЛ КАБАР!
20-Октябрь, 2021 шаршемби, Бишкек убактысы 02:37

Жамалага Эл ырчысы наамы берилди


Жамала Украинанын президенти Петро Порошенко менен

Eurovision-2016 сынагынын жеңүүчүсүнө бул сыйлыкты берүү тууралуу жарлыкка украин президенти Петро Порошенко кол койгон. Бул тууралуу украин маалымат каражаттары жазып чыгышты. Порошенко Жамаланын жеңиши крым-татарлары, жалпы эле украин эли үчүн чоң мааниге ээ экенин, бул окуя Крымдын Украинага кайтарылышына көмөктөшөт деген үмүтүн билдирди. Ал арада радикал-оңчул “Эркиндик” партиясынын өкүлдөрү сынактын жыйынтыгы бурмаланып, Жамаланын жеңиши ак болгон жок деген сын айтышты.

Швециянын Стокгольм шаарында 14-май күнү жыйынтыкталган Eurovision-2016 эл аралык популярдуу шоу сынагында украиналык ырчы Жамала баш байгени жеңген. Ыр таймашта ал 534 добуш менен атаандаштарынан алдыга чыккан. Кечээ жеңиш менен кайтып келген Жамаланы Киевдеги аба майданында жүздөгөн адамдар тосуп алды. Ага атак алып келген ыр “1944” деп аталат. Чыгармада Сталиндин буйругу менен Борбор Азияга депортацияланган Крым татарларынын тагдыры баяндалат. Жамала деген ат менен таанылган ырчынын өз ысымы Сюзана Жамалдинова. 1983-жылы Кыргызстандын Ош шаарында төрөлүп, кийин үй-бүлөсү менен Крымга көчүп кеткен.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG