Ирактын баш калаасы Багдаддагы бүгүнкү удаама-удаа жардыруулардан бери дегенде 23 адам набыт кетти. Жарадар болгондор саны элүү чамалуу.
Полициянын маалыматына ылайык, жардыруулардын бири шиит агымындагылар жашаган Ал-Шааб конушундагы базарда, экинчиси Ал-Рашид конушунда болду. Азырынча ага эч ким жоопкерчилик ала элек.
Иракта 11-майдан бери дээрлик күнүгө жардыруулар уюштурулуп, ага жоопкерчиликти “Ислам мамлекети” экстремисттик тобу алууда. Топтун билдирүүлөрүндө мусулманчылыктын шиит агымын колдогондор бутага алынып жатканы айтылат.