Түркмөнстанда спутник антенналарын үйлөрдөн чечип кетүү уланууда. Расмий маалыматта алар мармар шаардын көркүн бузган буюмдар катары чагылдырылууда.
“Азаттыктын” түркмөн кызматы антенна чечүү иши жанданып, Ашхабаттан алыскы райондорго чейин жеткенин жазды. Бул аракеттер түркмөн элине тышкы дүйнө, эл аралык коомчулуктагы маалыматтарды көрсөтпөө аракети катары шек туудуруп жатканы кабарланууда.
Ашхабатта айрымдарына спутник ордуна мамлекеттик кабелдик телеканалдар топтомуна жазылуу сунушталууда. Айрым жерлерде борбордук антенналар турат жана ага да кошулууга болот. Экөөндө тең каналдар чектелүү.
Ал эми майдараак шаарларынын жашоочулары түркмөн мамлекеттик телесинен башка тандоосу жок экени кабарланат.
