Куралдуу күчтөрдүн башкы штабы билдиргендей, окуя 19-майдын кечинде болгон. Келишимдин негизинде кызмат өтөп жүргөн аскер кызматкери куралды этиятсыздык менен колдонгондуктан снаряд жарылып, катуу жараат алган. Ал Балыкчы шаардык ооруканасына жеткирилип, кечки саат 21:30дар чамасында өзүнө келбей каза тапты. Бул боюнча кызматтык иликтөө дайындалды. Балыкчы гарнизондук аскер прокуратурасы окуянын чоо-жайын иликтөөгө киришти. (NT)
