Кыргызстандын мамлекет башчысы БУУнун баш катчысы Пан Ги Мундун чакыруусу менен биринчи гуманитардык саммитке катышуу үчүн Стамбул шаарына учуп кетти. Саммиттен тышкары президент Атамбаев башка өлкөлөрдүн жетекчилери менен да жолугушары күтүлүүдө. Бул тууралуу президенттин басма сөз кызматынан маалымдашты.
БУУнун жетекчилиги алдында өтүп жаткан Дүйнөлүк гуманитардык саммит адам баласынын кызыкчылыгын коргоого багытталган. Анын ичинде адамдын коопсуздугу, ар-намысы, татыктуу турмушта жашоосу сыяктуу шарттар каралган. (ZKo)
