Томолой жетим жана кароосуз калган балдарды баккан, турмуш шарты оор энелерге материалдык колдоо көрсөтүлдү. 26-майда Бүткүл дүйнөлүк жаштар ассамблеясы Бишкекте 30 энеге атайын сыйлыктарды тапшырып, 700дөй балага төрт миң сомдон жөлөкпул берди. Иш-чара 15-май - Энелер күнүнө жана 1-июнь - Балдарды коргоонун эл аралык күнүнө карата уюштурулду.
Кыргызстанда 15-май 2012-жылдан бери Энелер күнү катары белгиленип келет. Ал эми 1-июнь Балдарды коргоонун эл аралык күнү.