Дональд Трамп республикачылардан президенттикке талапкер болууга жетиштүү добуш топтоду. Миллиардер талапкердин шайлоо штабынан маалымдашкандай, Трампты 1238 делегат колдойт. Бул Республикалык партиянын курултайында аны талапкер кылып бекитүүгө зарыл болгондон бир добушка көптүк кылат.
Праймериздерде Трамптын жеңиши америкалыктарда ар кандай ой-толгоо менен аркыл пикирлерди жаратууда.
АКШда президенттик шайлоо ноябрь айында өтөт. Демократиялык партиядан негизги талапкер катары Хилари Клинтон аталууда. Бирок анын атаандашы сенатор Берни Сандерс күрөшүн токтото элек.
