Премьер-министр Сооронбай Жээнбеков селден каза тапкандардын үйүнө барып, жакындарына көңүл айтты. Мындан тышкары өкмөт башчы сел жүргөн аймактарды кыдырып, кесепеттери менен таанышты.
27-майда Кадамжай-Пүлгөн-Айдаркен жолунда жолунда таш агызган сел кечки саат бештерде жүргөн. Тоодон таштар кулап, жолдо бараткан "Хонда CRV" үлгүсүндөгү унаа оодарылып кеткен. Натыйжада унаадагы беш киши каза болуп, бир баланы куткаруучулар аман алып калышты.
Учурда жолду тазалоо иштери жүрүп жатат. Азырынча каттамга уруксат бериле элек.(JsA)
