Германияда кара нөшөрдөн пайда болгон суу ташкыны үч кишинин өмүрүн алды. Окуя өлкөнүн түштүк-батышындагы Баден-Вюртемберг аймагында дүйшөмбүгө оогон түнү болгон.
60тагы кишинин сөөгүн сууга толгон жертөлө-гараждан табышкан. Полициянын кабарлашынча, суу өтө тездик менен толуп кеткендиктен ал чыга качууга үлгүргөн эмес.
Ал эми Швебиш-Гмюнд шаарында дагы бир киши менен аны куткармакчы болгон өрт өчүрүүчү мерт болду.
Куткаруучулар түнү боюу аймактын жашоочуларын коопсуз жерлерге көчүрүштү. Көчөлөрдү каптаган суунун деңгээли бир жарым метрге чыкканы кабарланууда.