“Саякбай манасчы” коомдук фонду үч манасчыга үй сатып берет. Бул тууралуу аталган фонддун негиздөөчүсү Самат Ибраев маалымат жыйынында билдирди. Анын айтымында, быйылкы Тарых жана маданият жылында манасчыларга материалдык жактан колдоо максатында үй сатып берүүнү чечкен. Бул максатта манасчылар Рыспай Исаков, Дөөлөт Сыдыков жана Улан Исмаиловго үй алуу үчүн сертификаттар тапшырылат.
Бул сертификаттарды 4-июнда “Улуулукка мамиле” аттуу иш-чарада тапшыруу пландалууда.(BkA)
