Өлкөнүн премьер-министри Мануэл Вальстын 4-июндагы маалыматына караганда, суу ташкындан төрт адамдын өмүрү кыйылып, 24 киши жаракат алды. Вальс этият болууга жана коопсуздукту сактоого франциялыктарды чакырды. Тынымсыз жааган жаандан улам Париждеги Сена дарыясынын деңгээли соңку отуз жылдан бери биринчи жолу кескин көтөрүлүп, Франциянын бир катар аймактарына кооптонуу жаратты. Абал кийинки жумада турукташары жоромолдонуп жатат.
