Польшанын борбору Варшавада миңдеген жарандар 4-июнда демократияны колдоо иретинде жапырт демонстрацияга чыгышты. Бул 1989-жылдагы алгачкы жолу жарым-жартылай ачык өткөн шайлоолордун 27 жылдыгына карата уюштурулду. Ал кездеги шайлоо коммунисттик бийликти кулатканы белгилүү.
Демонстрацияга мурдагы президенттер Александр Квасьневский менен Бронислав Коморовскийда катышты.
1989-жылдын 4-июнунда Польшадагы шайлоодо "Тилектештик" партиясынан талапкерлер жеңип чыгып, Польшада коммунистик режим кулаган. Андан кийин бүткүл Чыгыш Европада демократия орногон.
