АКШнын Улуттук коомдук радиосунун журналисти Дэвид Гилки жана анын котормочусу Забиулла Таманна Гилменд провинциясынын Маржа шаарында 5-июнда курман болду. Улуттук коомдук радио алар менен автоунаада чогуу бараткан эки журналист жабыркабаганын кабарлады.
Радиостанциянын вице-президенти Майкл Орескес Гилки Ирак жана Ооганстандагы согушту чагылдырган фотограф, видео редактор болгонун белгиледи. 50 жаштагы Гилки Жорж Полктун жана 2015-жылы барктуу улуттук Эмми сыйлыгына татыган биринчи мультимедиалык журналист болчу.
38 жаштагы Таманна Синьхуа жана Анадолу маалымат агенттиктери менен кызматташкан эркин журналист, фотограф эле. 2001-жылы Кошмо Штаттар Ооганстанга киргенден бери 26 журналист өлтүрүлгөнүн Журналисттерди коргоо комитети мааалымдады. (AiT)
