Линктер

ЧУКУЛ КАБАР!
22-Октябрь, 2021 жума, Бишкек убактысы 04:17

Жума намаз үчүн түшкү тыныгууну узартуу демилеси парламент комитетинде талкууланды


Жогорку Кеңеш

Парламенттин социалдык саясат боюнча комитетинде жума намазы үчүн түшкү эс алууну эки саатка чейин узартуу боюнча мыйзам долбоорун талкуулоо учурунда талаш-тартыш чыкты. Мыйзамдын демилгечиси, "Өнүгүү-Прогресс" партиясынын депутаты Тазабек Икрамов муну мусулмандардын жума намазга барышына шарт түзүү зарылдыгы менен түшүндүрдү. Бирок бир катар депутаттар ага каршы чыгып, светтик мамлекетте бир динге өзгөчө шарт түзүп, атайын убакыт бөлүү башка динди туткандар менен динден алыстардын укугун басмырлоого алып келиши мүмкүндүгүн билдирди.

Жыйынтыгында комитет мүчөлөрү мыйзам долбоорун палатанын талкуусуна алып чыгууну чечишти.

Буга чейин мурдагы депутат Турсунбай Бакир уулу иш күнүн жумадан жекшембиге которуу демилгесин көтөрүп, ал парламентте колдоо тапкан эмес.(BkA)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG