Бул тууралуу Экологиялык жана техникалык коопсуздук боюнча мамлекеттик инспекциядан кабарлашты. Маалыматка ылайык, өрттүн чыгуу себептери аныкталууда. Анын жыйынтыгы менен өрт коопсуздугун сактабаган компания жетекчилигинин жоопкерчилиги каралат.
6-июндагы Бишкекте газ ташыган унаа жарылып, 11 адам жаракат алды. Алардын алтоосу оор абалда реанимацияда жатат. Өрттөн алты автоунаа жараксыз абалга келген. Учурда прокуратура менен Экологиялык жана техникалык коопсуздук боюнча мамлекеттик инспекция өрттүн чыгуу себептерин аныктап жатат.
Алдын-ала маалыматтарда кырсыктуу окуяга газ жабдыгын туура эмес колдонуу себеп болгону айтылууда.(BkA)
