Линктер

ЧУКУЛ КАБАР!
24-Октябрь, 2021 жекшемби, Бишкек убактысы 21:58

Кытайдын Макао аймагында эл аралык маданий форум өтүүдө


Кытайдын “Дүйнөлүк маданий форумунун (Тайху, Кытай)” эн белгиси.

Кытайдын “Дүйнөлүк маданий форум (Тайху, Кытай)” бейөкмөт уюму эл аралык жыйынын быйыл төртүнчү ирет чакырууда. Анын башкы урааны “Адамзат тагдырын камтыган коомчулукта жаңы цивилизациялык кырдаалды калыптандыруу үчүн эриш-аркак аракет кылуу” деп аталат.

7-июнда уюмдун маданий иш-чаралары башталып, ага 20дан ашуун мамлекеттен 800дөн ашуун өкүл катышууда. Кыргызстандан жыйынга вице-премьер-министр Гүлмира Кудайбердиева катышып, 8-июнда жыйындын расмий ачылыш аземинде сүйлөйт. Кыргызстандан биртоп маданий ишмерлер жыйынга чакырылган.

Кытайдын өзгөчө башкаруудагы Макао аймагындагы айтылуу “Венеция конок үйүндө” өтүп жаткан иш-чарада экология көйгөйлөрү жана байыркы Улуу Жибек жолундагы соода жана руханий алакаларды кеңейтүү маселелери талкууланмакчы.

Быйылкы иш-чараны ЮНЕСКОнун Философия жана гуманитардык илимдер боюнча эл аралык кеңеши да колдоого алууда.

Эларалык маданий жыйындын буга чейинки отурумдары Кытайдын Сучжоу, Нанчаң, Ганчжоу, Шанхай сыяктуу шаарларында жана Парижде өткөрүлгөн.(TT)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG