Бишкек-Жалал-Абад-Бишкек багытындагы авиакаттам 13-июндан тарта жумасына эки жолу – дүйшөмбү жана шаршемби күндөрү ишке ашырылат. Бул тууралуу “Манас” эл аралык аэропорту кабарлады. Учууну British Aerospace-140-200 учагы аткарат.
Бишкек-Жалал-Абад каттамы 2015-жылдын декабрында уча баштап, үч айга жетпей кайра токтоп калган. Жалал-Абад шаарындагы аэропорттун талаптарга жооп бербестиги жана жүргүнчү аздыгына байланыштуу бул каттам мурда да бир канча жолу жанданып, токтоп келген. (SE)
