Линктер

ЧУКУЛ КАБАР!
22-Октябрь, 2021 жума, Бишкек убактысы 20:13

Кадыр Маликовго кол салууга шектүү адам өмүр бою эркинен ажыратылды


Мындай чечимди Бишкектин Биринчи май райондук соту 9-июнда кабыл алды. Соттун чечимине ылайык, соттолгон Алибек Тилек уулунун үй-мүлкү да конфискацияланат.

Өкүм окулуп жатканда бул адам ордунан туруудан баш тартып, Куран окуп отурган.

Кадыр Маликовго 2015-жылдын 26-ноябрында Бишкекте кол салуу болгон эле. Кылмышкерлер анын бетине бычак менен жаракат келтиришкен. Жабырлануучу кол салгандар "Ислам мамлекети" террордук тобунун өкүлдөрү экенин жана өлтүрүүнү максат кылганын билдирген. Окуядан кийин кылмышка шектүүлөр Алибек Тилек уулу, Рыскул Бейшеналиевди Казакстан, Түркия аркылуу Сирияга өтүп бараткан мезгилде түрк полициясы кармаган. Алибек Тилек уулу быйыл мартта Кыргызстанга алып келинген.

Кадыр Маликов “Дин, укук жана саясат” аналитикалык борборун жетектейт. Ал жергиликтүү жана эл аралык диний-экстремисттик топторду, радикал, террорчул уюмдарды катуу сындап жүрөт. (NT)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG