Линктер

шаршемби, 23-август, 2017 Бишкек убактысы 04:19

Чүйдүн Панфилов районунда 50 гектардан ашык жерди суу каптады. Алдын ала маалыматтарга караганда, Күрпүлдөк айыл аймагында 9-июнь күнү Жарды-Кайыңды суусунун деңгээли көтөрүлүп, 6 гектар бедени жана 50 гектар жайыт жерлерин суу каптап жатат. Турак үйлөргө зыян болгон эмес. Өзгөчө кырдаалдар министрлиги сууга бөгөт коюу иштери жүрүп жатканын билдирди.

Ысык-Ата районундагы Ак-Кудук айыл аймагында суу ташып, 13 гектар буудай талаасын, эки сарайды каптаган. Бир электр мамысы кулаган.

Нарындын Ат-Башы районунда да суу деңгээли көтөрүлүп, турак-үйлөрдү каптоо коркунучу жаралганын облустук администрация кабарлады. Чүй дарыясында да суу көбөйүп, эл аралык унаа жолду жеп кетүү коркунучунда калганы айтылган. (SE)

“Азаттык” үналгысы журтташтар арасында онлайн сынак жарыялайт! Сынакка келген материалдар менен бул жерден таанышсаңыз болот. Материалдар 31-августка чейин кабыл алынат. ​

XS
SM
MD
LG