Нарын шаардык прокуратурасы тарабынан «Нарын суу канал» ишканасынын үч кызматкеринин иш учурундагы өлүмү боюнча кылмыш иши козголду.
Бул тууралуу шаардык прокуратурадан “Азаттыкка” кабарлашты. Маалыматка ылайык, Кылмыш-жаза кодексинин 142-беренеси (эмгек укугунун эрежелерин бузуу) жана 316-беренеси (шалаакылык) менен козголгон иш тергелип баштады.
9-июнда Нарын шаардык суу канал ишканасынын үч кызматкери акыр- чикир кеткен түтүктү алмаштырып жатып, газга ууланып каза болгон. Дагы эки кызматкер оор акыбалда ооруканага түшкөн. (MiK)
