АКШнын коргоо министри Эштон Картер өз өлкөсү кийинки жылда Ооганстандагы аскерлерин кыскартуу планын кайра карай турганын НАТОдогу өнөктөштөрүнө билдирди. Ал Британиянын коргоо министри Майкл Феллон менен Брюсселде 15-июнда жолугушту.
Картердин айтымында, АКШ президенти Барак Обама бул чечимди кароого даяр. Акыркы план боюнча, Вашингтон 2016-жылдын аягына чейин ооган жергесиндеги аскерлерин 9800дөн 5500гө кыскартууну көздөп жатат.
