Линктер

шейшемби, 22-август, 2017 Бишкек убактысы 03:45

Франция Орусия футбол күйөрмандарынын лидерин өлкөдөн чыгарды


Мындай чечимге Францияда өтүп жаткан футбол боюнча Европа биринчилиги үчүн мелдеш учурундагы зордук-зомбулук себеп болду.

Француз бийлиги бирикменин лидери Александр Шпрыгин менен бирге 20 күйөрман өлкөдөн чыгарыларын маалымдады. 20 киши 14-июнда Марселде Англия-Орусия беттешүүсүнөн кийинки мушташтан соң кармалган 43 күйөрмандын арасында болгон. Орус футбол күйөрмандарын кармоо Москванын нааразылыгын пайда кылып, француз элчиси Орусиянын Тышкы иштер министрлигине чакырылды. Александр Шпрыгин улутчул Либерал-демократиялык партияга жакын жана Мамлекеттик Думанын төрагасынын орун басары, ЛДПРдин негиздөөчүсү Владимир Жириновскийдин уулу Игорь Лебедевдин жардамчысы экени маалым.

Франциянын Ички иштер министрлиги Евро-2016 футбол таймашы башталгандан бери 320 киши кармалганын, алардын ичинен 24ү өлкөдөн чыгарылганын маалымдады. (AiT)

“Азаттык” үналгысы журтташтар арасында онлайн сынак жарыялайт! Сынакка келген материалдар менен бул жерден таанышсаңыз болот. Материалдар 31-августка чейин кабыл алынат. ​

XS
SM
MD
LG