Линктер

ЧУКУЛ КАБАР!
27-Октябрь, 2021 шаршемби, Бишкек убактысы 12:34

Элмурза Сатыбалдиевдин тарапкерлери Өзгөндө пикет өткөрүүдө


Элмурза Сатыбалдиев

Кыргызстандын мурдагы Баш прокурору, Апрель окуясы боюнча соттолгон Элмурза Сатыбалдиевдин тарапкерлери пикетке чыкты. Нааразылык акциясы ушул тапта Ош облусунун Өзгөн районунда өтүүдө.

Райондук акимчиликтин алдында 100дөй адам чогулуп турганын "Азаттыктын" кабарчысы маалымдады. Чогулгандардын көбү Сатыбалдиев туулуп-өскөн Саламалик айылынын тургундары, анын туугандары экени айтылууда.

Алар Элмурза Сатыбалдиевдин абактан бошотулушун талап кылууда.

2010-жылдын 7-апрелинде ошол кездеги башкарууга нааразылардын ири демонстрациясы өтүп, натыйжада бийлик алмашкан. Митингге чыккандардын 90го жакынын атып өлтүрүшкөн. Бул үчүн айыптуу деп мурунку президент Курманбек Бакиев өзү жана анын жакындары, айрым чиновниктер соттолгон.

Өткөн аптада республиканын Аскер соту мурдагы мамлекеттик кеңешчи Элмурза Сатыбалдиевге, президенттик аппараттын мурдагы жетекчиси Каныбек Жороевге, мурдагы баш прокурор Нурлан Турсункуловго жана УКМКнын “Альфа” атайын тобунун мурунку командири Алмаз Жолдошалиевге тергөө абагында 2010-жылдан бери өтөгөн жаза мөөнөтүн эске алып, мунапыс колдонгон болчу.

Бирок бул чечимге байланыштуу жабыркаган тарап Жогорку Сотко кайрылгандыктан, алар бошотулбай жатат. (ErN/RK)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG