Өзгөчө кырдаалдар министрлигинин адистери сел коркунучу бар аймактарды көзөмөлгө алып, кырдаалга байкоо салып турушат. Нарын, Чүй, Талас жана Ысык-Көл облустарында алдын алуу жана калыбына келтирүү иш-аракеттери жүрүүдө. Мекеменин басма сөз кызматы билдиргендей, алдын алуу иштерине Жарандык коргонуу тобунан да кишилер тартылган.
Соңку үч-төрт күндөн бери Нарын, Ысык-Көл, Чүй жана Баткен облустарында катуу жаандан жана тоолордогу кардын эришинен дарыяларда суунун деңгээли көтөрүлүп, айрым жерлерди сел каптады. Кээ бир унаа жолдору убактылуу жабылган. (SE)