Казакстандын Тараз шаарында 19-июнда укук коргоо органдарынын ыкчам-алдын алуу иш-аракети учурунда белгисиз адам полицияга ок аткан. Натыйжада эки адамга ок жаңылган. Алардын бири полиция кызматкери.
Жабыр тарткандардын бирине операция жасалып, ал жандандыруу бөлүмүндө жатат. Тартип сакчысынын абалы өтө оор экени кабарланды.
"Азаттыктын" казак кызматы билдиргендей, полиция окуяга шектелген адам "мурда криминалга аралашып жүргөн, бирок экстремисттик ишмердүүлүк жүргүзгөн эмес" деген маалымат таратты.
