Бүгүн саат 15.00дө кылмыш жоопкерчилигине мыйзамсыз тартылган учурларды иликтеген депутаттык комиссия корутундусун чыгарат. Жогорку Кеңештеги жыйынга депутаттык комиссиянын мүчөлөрү, күч структуралардын өкүлдөрү катышат.
Аталган депутаттык комиссия быйыл 19-январда парламенттин Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитетинде "Өнүгүү-Прогресс" фракциясынын демилгеси менен түзүлгөн. Депутат Тынчтык Шайназаров Жогорку Кеңештин дарегине укук коргоо органдарындагы мыйзамсыз иш-аракеттер тууралуу арыз-муңдар көбөйүп кеткенин билдирген.
Депутаттык комиссияга 2014-2015-жылдардагы мыйзамсыз кылмыш жообуна тартылган учурларды иликтөө тапшырмасы жүктөлгөн болчу. (NT)
