"Кыргызалтын" ишканасынын директорлор кеңешинин жаңы курамы шайланды. Аталган ишкананын басма сөз кызматы билдиргендей,17-июнда акционерлер кезексиз жыйынга чогулуп, анда директорлор кеңешинин жаңы курамы бекитилди. Анын төрагасы болуп Аскар Өскөмбаев тандалды. Ал эми Эмил Осмонбетов, Анвар Эстемесов кеңешке мүчө болушту.
Директорлор кеңешинин төрагасы Дүйшөнбек Камчыбеков ыйгарым укуктары аяктаганына байланыштуу кызматын тапшырды.
Жаңы төрага Аскар Өскөмбаев буга чейин премьер-министрдин кеңешчиси болуп иштечү. (NT)
