Борбордук шайлоо комиссиясы 21-июнда Бишкек шаарынын мэри Албек Ибраимовду КСД партиясынын депутаттыкка талапкерлер тизмесинен чыгарды. Буга Ибраимовдун жазган арызы себеп болгон. БШК мүчөлөрү аны канааттандырды.
Албек Ибраимов социал-демократтардын тизмесинде депутаттыкка келе турган кийинки талапкер болчу. Эгер мэр болуп шайланбаганда, Евразия экономикалык биримдигинин сотунун судьясы кызматын аркалоо үчүн Минскиге бараткан депутат Галина Скрипкинанын ордуна келмек. Тизмеде андан кийин Максатбек Эгембердиев турат. (NT)
