Өзгөчө кырдаалдар министрлиги кабарлагандай, 23-июнга караган түнү жааган жамгырдан улам Жалал-Абад облусунун Аксы районунда онго жакын айылдардын ички жолдоруна зыян келди. Кара-Суу айыл аймагындагы Чалдыбар кыштагында жашаган 15 кожолукту башка айылдар менен байланыштырган жолду сел агызып келген шагылдан улам жабылып калган.
Кашка-Суу айыл аймагында Өлөң-Булак сайынын суусу ташып эл жашаган тарапта кооптуу кырдаал жаралган. Айыл элин сугат суу менен камсыздаган түтүк бузулуп, талааларга барчу суу токтоп калган. (SE)