Кытайдын Үрүмчү шаарында кыргызстандык “Куликовский” таттуу токочун жана торт чыгаруучу компаниянын эки фирмалык дүкөнү ачылды. Бул тууралуу аталган компаниянын социалдык тармактардагы баракчасында жазылды.
Кытайдын мамлекеттик стандарттарына жооп берүү үчүн “Куликовский” компаниясы Кытайда эки жыл бою атайын текшерүүдөн өткөн. Азык-түлүктүн коопсуздугун ырастаган эл аралык ISO 22000 сертификатын 2015-жылы алып, 2016-жылдан тарта адал продукция чыгарарына ишендиргенден кийин гана кытай бийлиги дүкөн ачууга уруксат берген. (BCh)
