Линктер

шейшемби, 27-июнь, 2017 Бишкек убактысы 23:45

Аким Ысык-Көлдөгү уруштун себебин айтып берди


Сүрөт "Турмуш" сайтынан алынды

Ысык-Көлдө коңшу эки айылдын тургундары турист талашып уруша кеткен. Кечээ күнкү окуянын себеби ушундай экенин бүгүн "Азаттыкка" Ысык-Көл районунун акими Райымбек Имангазиев билдирди.

Анын айтуусунда, Садыр Аке жана Кашат айылдарынын тургундары Чоң Ак-Суу капчыгайына келген конок, туристтерди тейлөө укугун талашып чырлашкан. Натыйжада уруш чыгып, милиция аларды көздөн жаш агызуучу каражат ыргытып таратканы айтылууда.

Эч ким жабыркаган жок. Окуянын чоо-жайы териштирилүүдө. Буга чейин урушка мастар себеп болгону кабарланган.

Чоң Ак-Суу (мурдагы Григорьев) капчыгайы өзүнүн кооз жаратылышы менен белгилүү. Ал жакка чет өлкөлүк туристтер көп барат. (AsM/RK)

Сиздин пикир

пикирлерди көрсөт

XS
SM
MD
LG