Кыргызстандын карамагындагы 41 учак, тик учактардын 21и гана жарактуу экенин Жарандык авиация агенттигинин директору Эрмек Өмүралиев 28-июнда парламенттин транспорт, коммуникация, архитектура жана курулуш комитетинин отурумунда билдирди. Маалыматка караганда, аба унааларынын 32си учак, тогузу тик учак. Алардын ичинен 19 учак жана эки тик учак гана иштеп жатат.
Кыргызстан өткөн аптада эл аралык жарандык авиация уюмунун "кара тизмесинде" калганы жарыяланган. Жергиликтүү авиа компаниялары 2006-жылдан бери Евробиримдиктин кара тизмесинен чыга элек. (NT)
