Парламенттин бүгүнкү жалпы жыйынында аталган мыйзам долбоору талкууланат. 28-июнда Конституциялык мыйзамдар, мамлекеттик түзүлүш, сот-укуктук маселелер комитети аны биринчи окууда жактырган. Сунушталып жаткан өзгөртүүгө ылайык, референдум өткөрүүнү өкмөт, депутаттар жана 10 миң шайлоочу сунуштай алат.
Кыргызстанда акыркы референдум 2010-жылы 26-июнда өткөрүлгөн. Анда шайлоочулар Башмыйзамдын өзгөрүшүн жана Роза Отунбаеванын мамлекет башчылыгына келишин колдогон.
Азыркы мыйзам долбоорун депутаттар Бакыт Төрөбаев, Өмүрбек Текебаев, Тынчтык Шайназаров, Алманбет Шыкмаматов иштеп чыккан. Анда өлүм жазасын киргизүү, президенттик шайлоону мөөнөтүнөн мурда өткөрүү сыяктуу демилгелер да бар экени айтылууда. (NT)
