Алай айыл өкмөтүнүн башчысы Нурпазыл Кайыровдун “Азаттыкка” билдиришинче, 1-июль күнү күндүзгү саат үчтөр чамасында 15 мүнөт көнөктөп жааган жамгырдан кийин эле сел жүргөн.
Ал Терек жана Сопу-Коргон айылынын ортосундагы жолду каптап, ушул тапта Өзгөчө кырдаалдар министрлигинин кызматкерлери тазалоо иштери менен алектенүүдө. Сел Терек айылындагы төрт мал короого жана Сопу-Коргон айылындагы 20 жашылча-жемиш короолорун каптап, жууп кеткен.
Аталган эки айылда 1 миң 200 түтүн эл жашайт. Жергиликтүүлөр быйыл күн жылыганы аймакта сел байма-бай болуп жатканын билдирүүдө. (AzK)
