Линктер

ЧУКУЛ КАБАР!
11-Май, 2021 шейшемби, Бишкек убактысы 11:36

Депутаттар: парламентте аял депутаттар азайып баратат


Жогорку Кеңеш депутаттары

Ысык-Көлдө өтүп жаткан депутат айымдардын форумунда эл өкүлү Таалайгүл Исакунова алтынчы чакырылыштагы аял депутаттардын саны туурасында маалымат берип, соңку шайлоодо алардын саны кайра төмөндөөгө бет алганын белгиледи. Мындан улам форумдун катышуучулары мандатын тапшырган аял депутаттын ордуна сөзсүз түрдө тизмедеги аял киши келиши шарт деген сунуш менен чыгууда.

1995-жылдагы парламентте 105 депутаттын ичинен бешөө гана аял болгон. 2000-жылдагы 105 депутаттын жетиси аял болсо, 2005-жылдагы парламентке бир да аялзаты келген эмес.

2007-жылы 90 депутаттын 23ү аялдар болуп, 2010-жылдагы шайлоодон кийин алардын саны 28ге жеткен.

Бирок мындай жылыш соңку, 2015-жылкы шайлоодо артка кетип, азыр парламентте аял-депутаттардын саны 17ге түшкөн.

Парламенттеги депутат айымдардын Ысык-Көлдө өтүп жаткан гендердик жайкы мектебинде аялдардын саясаттагы, жалпы эле коомдогу орду талкууланууда.

Семинар БУУнун гендердик тематикалык тобу жана Улуттук демократиялык институт тарабынан уюштурулган. (AzK)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG