Маевка айылынын тургундары Бишкектин түндүк тарабындагы айланма жолдун боюндагы соодага тыюуга салынышына каршы экендиктерин билдиришти. Тургундар бүгүн Маевка айыл өкмөтүнүн алдына чогулуп, тыюуну токтотпосо, ачкачылык жарыялай тургандыктарын ырасташты. Нааразылык акциясынын катышуучулары айланма жолдо жашылча-жемиш, суусундук сатуу менен күн көрүп жаткандыгын белгилешет.
Бишкектин түндүк тарабындагы айланма жолдун жээгинде жашылча-жемиш, суусундуктан тышкары күнүмдүк тиричиликке керектүү буюм-тайымдарга чейин сатылат. Айрым маалыматтар боюнча, жол жээгинде соода кылгандар бул үчүн тийиштүү мекемелердин жетекчилерине акы төлөп жүрүшкөн.(TSh;ZKo)
