Линктер

ишемби, 19-август, 2017 Бишкек убактысы 07:45

Түркиядагы тик учак кырсыгынан жети адам мерт болду


Кырсык Түркиянын түндүгүндө болгон

Түркиянын түндүгүндөгү Кара Деңиз боюнда жайгашкан Тогумлук кыштагына жакын жерде Sikorsky S-70 тик учагы кырсыкка учурап, жети адам набыт кетти. Сегиз адам ар кандай деңгээлдеги жаракат алышты. Кырсыктын себеби тактала элек. Премьер-министр Бинали Йылдырым кырсыкка начар аба ырайы түрткү болушу мүмкүндүгүн боолгоду:

"Аба ырайынын начарлашынан улам ар кандай маселелер жаралганын уктук. Куткаруу иштери аяктагандан кийин авариянын себептери тыкыр иликтенет".

Бийликтин маалымдашынча, тик учакта негизинен аскер кызматкерлери жана алардын үй-бүлө мүчөлөрү болгон. Кырсыкка кабылгандар Орозо Айт майрамына карата туугандарына барып, базага кайтып келатышкан. Тик учакта аскерий генерал жана анын үч баласы да болгон.

“Азаттык” үналгысы журтташтар арасында онлайн сынак жарыялайт! Сынакка келген материалдар менен бул жерден таанышсаңыз болот. Материалдар 31-августка чейин кабыл алынат. ​

XS
SM
MD
LG