Омск облусунда эч кандай маркировкасыз кармалган 19 тонна “Голландия быштагы” Кыргызстандын Кант шаарында жасалганы тууралуу Орусиянын маалымат булактары жазып чыгышты. Кабарларга караганда, 2-июль күнү Черлакск районунда бажы кызматкерлери ири өлчөмдө сүт азыктарын жүктөп бараткан унааны токтотушкан. Быштактардын эч биринде эл аралык соодага ылайыкталган маркировкасы болгон эмес. Аны ким алып баратканы жана кандай чара көрүлгөнү тууралуу маалымат жок.
Орусияда Кыргызстанда жасалган 19 тонна “Голландия быштагы” кармалды
