Оштун Кара-Суу районундагы Сары-Колот айыл өкмөтүндө жашаган ата-энесиз жана социалдык колдоого муктаж балдарга Орозо айт майрамына байланыштуу кайрымдуулук акциясы уюштурулду. Айыл өкмөт башчы Кыял Макеев айылдагы 13 балага өз эсебинен кийим-кече сатып алып, Ош шаарындагы сейил бакта оюн-зоок кылып бергенин “Азаттык” радиосуна билдирди.
Кыргызстанда Орозо жана Курман айт майрамдары учурунда бийлик өкүлдөрү жана ишкерлер муктаждарга жардам берип турушат.
