Евразия экономикалык комиссиясынын эксперттери кыргыз-казак чек арасындагы ветеринардык көзөмөлдү алууга даярдыкты текшерип жатат.
Бул тууралуу “Азаттыкка” экономика министринин орун басары Данияр Иманалиев билдирди. Анын айтымында, Евразия экономикалык биримдигине мүчө өлкөлөрдүн ветеринардык көзөмөл боюнча эксперттери Кыргызстандын даярдыгын, ветеринардык лабораториялардын абалы менен таанышууда. Анын жыйынтыгы менен ветеринардык көзөмөл боюнча өз жыйынтыгын беришет.
Өкмөттүн планына ылайык, кыргыз-казак чек арасындагы ветеринардык көзөмөлдү алуу мөөнөтү 1-августка белгиленген.(BkA)
