Кыргызстан Түркияда кечээтен бери дайынсыз болуп жаткан жаранын издөөдө. Тышкы иштер министрлигинен кабарлашкандай, Газиантеп шаарында жашаган кыргыз келин анын жакын тууганы 10 күн мурда Анкарага багуучу болуп иштегени келгенин, бир суткадан бери байланышка чыкпай жатканын айтып элчиликке кайрылган.
Ишембиге караган түнү Түркияда мамлекеттик төңкөрүш аракети жасалып, бирок ал ишке ашкан жок. Окуяда каза болгон 200дөй адамдын арасында кыргызстандыктар жок экени кабарланды. (RK)
