Ысык-Көлдүн Жети-Өгүз районунда катуу шамалдан улам дарак кулап, бир аялды басып калды. Маалыматка караганда, 18-июль күнү Тамга айылында шамал болуп жаткан кезде ымыркайы менен бараткан 27 жаштагы келиндин үстүнө дарак кулаган. Бала аман, ал эми энеси кырсыктан улам каза тапкан.
Өкмөттүн Ысык-Көлдөгү ыйгарым укуктуу өкүлү Асхат Акимбаев маркумдун жакындарына көңүл айтып, материалдык колдоо болорун билдирди.